| Song | Digital Fua |
| Singer | Riad Hasan |
| Album | Jodi Vabo |
Digital Fua Lyrics in Chittagonian: Digital Fua is a Chittagonian song sung by Riad Hasan. The song is from the album Jodi Vabo.
ডিজিটাল ফুয়া লিরিক্স
উনন উনন শুধি-সমাজ হুনন দিয়া মন,
আঁর ডিজিট্যাল-আদুনিক-শৌরগো ফোয়ার বিবরণ।
ফাঁচ্চো ন সাত্তো ন আঁত্তে ঊগ্গো মাত্র ফোয়া
অনরা বেয়াগ্গুন তাল্লাই রাহিবেন দুয়া,
আঁই ত কিছু বুজি না ফাইর ইতের মতিগতি
উন্নতি হন্না তার দিনদিন অইজার অবনতি।
হানর লতি ছ্যাদা গরি ফইজ্জে হানর দুল,
মাতাত বলে কিরিম লাগায় উয়ো উয়ো চুল !
ফ্যান ফরেদে খঁওরর নিচে মেডিত লরখরায়,
উগ্গো জিন্স-ফ্যান একমাস ফরে ধোয়া-ধুয়ি নাই !
বাত-তরখারি গম ন লাই তার হাইতূ ছায় ফাস্ট-ফুড
যায় KFC-BFC-MFC আর Well Fo…
আঁর আদুনিক ফোয়া-ডিজিট্যাল ফোয়া
আঁর শৌরগো ফোয়া।
আঁর শৌরগো ফোয়া-মেডিত ফইল্যে লুয়া
আঁর আদুনিক ফুয়া !
হানর-গুরাত চব্বিশ গন্টা মুবাইল ফুন দরা
হন্ডে তার ইস্কুল-কলেজ অ্যার খন্ডে লেহাফরা,
লেহাফরার নাম-গন্দ নাই টোঁ টোঁ গরি ঘুরে
গোডা রাইত্যান জাগি তাহে বেয়াইন্যে অইলি ঝুরে !
রাইতুর বেলা জাগি জাগি মুবাইল ফুনুত হতা
তার চাল-চলন দেহিয়েনে আঁর গরম অই যায় মাতা,
ডেইলি ডেইলি তিনশত্’টেঁয়া ফকেট হরচ তার
হনে জানে কি গরিয়েনে টেঁইয়া গরের ছারহার !
এইদিন চাইদ্দি লুয়োই লুয়োই বিরিত মারের ঠান
ও রে এই ফোয়ারে লইয়েনে আঁর বেয়াক টেনশান,
টেনশানে টেনশানে আঁত্তে ফেশার যারগু বারি
মাঝে মাঝে মনহয়দে ঘুরোয় চোয়াড় মারি…
আঁর আদুনিক……
গরর হামত খেয়াল নাই তার বন্দু এক্টা-টাল
তারে বাজার গইত্তু যাইতু হইলি মারি উডে ফাল,
ফোয়ার মায়ে ননাই দি দি তারে এইল্লে গইজ্জে
এইসব হতা তুইলতু গেইলে বাজি যাইবু হইজ্জে।
ন-মাতি ন-মাতি তাহি কিছু হইর ন ফারি
ফোয়ারে গাইল দিলে তার মা যাইগু বাফর বারি।
আঁর আদুনিক……
হস্ট গরি যারা এইগান হুইন্নুন এতক্ষন
তাঁরার হাচে এই অদমর এক্কান আবেদন,
বালা হক অ্যার হারাফ হক আঁর উগ্গো মাত্র ফুয়া
অনরা বেয়াগ্গুন তাল্লাই রাহিবেন দুয়া,
আল্লাই যাতে রাহে তারে চহি ছালামতে
আইদ্দে বছর আই.এ ফাসগান গরে বালামতে
আঁর আদুনিক ফোয়া-ডিজিট্যাল ফোয়া
আঁর শৌরগো ফোয়া।
আঁর শৌরগো ফোয়া-মেডিত ফইল্যে লুয়া
আঁর আদুনিক ফুয়া !
